នគរបាលខេត្តក្រចេះ ក្រោមបញ្ជាពីលោក ឧត្ដមសេនីយ៍ទោ អ៊ូ សុបុណ្ណា ស្នងការនគរបាលខេត្ត បានឃាត់ខ្លួន ក្រុមក្មេងទំនើងមួយក្រុមដែលតែងតែបើកបរម៉ូតូក្នុងល្បឿនលឿនបង្ករភាពអាធិបេតុ្យនៅតាមដងផ្លូវបណ្តោយមាត់ទន្លេ ក្រុងក្រចេះ ខេត្តក្រចេះ ។ ក្រុមក្មេងទំនើងទាំនោះ ត្រូវបានកម្លាំងនៃស្នងការដ្ឋាននគរបាលខេត្តចុះឃាត់ខ្លួន កាលពីយប់ថ្ងៃទី៣០ ខែវិច្ឆិកា ឆ្នាំ២០២៣ ខណៈពួកគេប្រើប្រាស់ម៉ូតូចំនួន១១ គ្រឿងបើកបរក្នុងល្បឿនលឿនបង្ករភាពអាណាធិបតេយ្យនៅតាមដងផ្លូវសាធារណៈ ។ ក្រោយទទួលព័ត៍និងបទបញ្ជាភ្លាមៗនោះកម្លាំងនគរបាលចរាចរណ៍ផ្លូវគោក បានធ្វើការស្ទាក់ក្រសោបបានម៉ូតូទាំង១១ គ្រឿងនាំទៅស្នងការដ្ឋាន ហើយក៏បានអញ្ជើញអាណាព្យា បាលមកធានានិងធ្វើកិច្ចសន្យាបញ្ឈប់ការបើកបរបែបអនាធិបតេយ្យបន្តទៀត និងអនុញ្ញាតឱ្យត្រឡប់ ទៅផ្ទះវិញរៀងៗខ្លួន ។ សូមបញ្ជាក់ថា ការបង្រ្កាបក្មេងទំនើងនេះ មិនមែនជាលើកទី១ទេ កម្លាំងនគរបាល តែងតែមានចំណាត់ការបង្រ្កាបជាបន្តបន្ទាប់ចំពោះក្រុមក្មេងទំនើងជិះម៉ូតូបង្ហោះឬក៏កែច្នៃបំពង់ស៊ីម៉ាំងខុសប្រក្រតី ដើម្បីចូលរួមរក្សាការពារសន្តិសុខសណ្ដាប់ ធ្នាប់ សង្គម សង្ឃឹមថា យុវជនដែលជាទំពាំងស្នងឬស្សី ទាំងនោះកែប្រែឈប់ប្រព្រឹតអំពើពាលាអាវាសែ ដែលសង្គមស្អប់ខ្ពើម ក្លាយខ្លួនជាកូនល្អ ពលរដ្ឌ តមស្នងសងសងគុណឪពុកម្ដាយ ក៏ដូចជាលោកស្នងការនគរបាលខេត្តក្រចេះ ដែលលោកមានការសណ្ដោសទុកពេលវេលាឲ្យប្អូនៗបានកែខ្លួនសង្ឃឹមថាឆ្លងកាត់រឿងមួយនេះហើយប្អូននិងកែខ្លួនបានមិនទាន់ហូសពេល
វីដែអូ