ថ្ងៃពុធ ទី០៨ ខែកក្កដា ឆ្នាំ២០៥០
សូមស្វាគមន៌ប្រិយមិត្តទាំងអស់ ដែលនិយមគាំទ្រការផ្សាយរបស់ គេហទំព័ត៌សាត្រាឬទ្ធ សូមទំនាក់ទំនងការិយាល័យយើងខ្ញុំនៅរៀងរាល់ម៉ោងធ្វើការ ..តាមរយៈទូរស័ព្ទលេខៈ០១២ ៦៧១ ៣៧៣
ឃាត់ខ្លួនប៉ូលីសក្លែងក្លាយ ​ពាក់ឯកសណ្ឋានស័ក្តិ​៣ ធ្វើសកម្មភាពឆែកឆេរសម្ភារៈ និងគំរាមពិនិត្យ​ទឹក​នោម​រកសារធាតុញៀន ទៅលើយុវជនម្នាក់ នៅភ្នំ​ពេញ
Wed,27 November 2019 (Time 01:51 PM)
ដោយ ៖ សហការី (ចំនួនអ្នកអាន: 130នាក់)

រាជធានីភ្នំពេញ​៖ប៉ូលីសពាក់ឯក​សណ្ឋានស័ក្តិ​៣ ក្លែងក្លាយធ្វើសកម្មភា​ពឆែកឆេរសម្ភារៈ និងគំរាម​ពិនិត្យ​ទឹក​នោម​រកសារធាតុញៀន ទៅលើយុវជនម្នាក់ ត្រូវសមត្ថកិច្ច​​ប៉ុស្តិ៍សង្កាត់​ចោម​ចៅទី​៣ នាំ​ខ្លួន​ទៅសាកសួរ។
ករណីនេះបានកើតឡើងកាលពីយប់ថ្ងៃទី២៧ ខែវិច្ឆិកា ឆ្នាំ២០១៩ តាមបណ្ដោយផ្លូវជាតិលេខ៤ ចំណុចមុខបុរីសែនម​នោរម្យ ក្នុងសង្កាត់ចោមចៅ​ទី៣ ខណ្ឌពោធិ៍សែនជ័យ រាជធានីភ្នំពេញ។

បើតាមសមត្ថកិច្ចបាន​ឲ្យដឹងថា​៖ប៉ូលិសក្លែងក្លាយរូបនេះមានឈ្មោះ ទូច ដេវីត អាយុ២៤ឆ្នាំ មុខរបរ​លក់​ផលិតផលតាមអនឡាញ ស្នាក់នៅម្ដុំទួលទំពូងទី២ ខណ្ឌចំការមន មានស្រុកកំណើត ស្រុក​ស្អាង ខេត្តកណ្ដាល ជិះម៉ូតូម៉ាក ឌ្រីមសង់ ស៊េរីឆ្នាំ២០១៤ ពណ៌ខ្មៅ ពាក់ស្លាកលេខ ភ្នំពេញ1CU-9499។
ចំណែកជនរងគ្រោះមានឈ្មោះ ជា សុផាណាត់ អាយុ២៤ឆ្នាំ មុខរប​ជាកម្មកររោងចក្រ ស្នាក់ម្តុំវត្តអង្គ ខណ្ឌពោធិ៍សែ​នជ័យ ជិះម៉ូតូម៉ាកនិចពណ៌ស ពាក់ស្លាកលេខ ភ្នំពេញ​1FE-1609។

បើតាមប្រពភព័ត៌មានពីយុវជនរងគ្រោះ​បាន​ឲ្យដឹងថា​៖មុនពេលកើតហេតុរូបគេ​បានជិះម៉ូតូ ពីរង្វល់​មូល​ចោមចៅ ទៅតាមផ្លូវជាតិលេខ៤ ពីកើតទៅលិច ខណៈពេលនោះ ក៏មានបុរសម្នាក់ ពាក់ឯក​សណ្ឋាន​ជា​ប៉ូលិសស័ក្តិ៣ បានជិះម៉ូតូដេញពីក្រោយ រហូតដល់​ចំណុច​កើតហេតុបាន​កាក់ម៉ូតូ​សុំ​ឆែកឆេរ នៅពេលឆែក​ឆេររួច រកមិនឃើញអ្វីទេ ទើបប៉ូលិសរូបនេះ​គំរាមយកទៅខណ្ឌ ដើម្បី​ពិនិត្យ​ទឹកនោម បន្ទាប់មកក៏​មានការភ្ញាក់ផ្អើល​ដល់ធ្វើដំណើរ និងអ្នកយកព័ត៌មាន បានសាកសួរ​ទៅលើប៉ូ​លិសសក្តិ៣រូបនេះ ដើម្បីបញ្ជាក់​ពីអត្ដសញ្ញាណច្បាស់លាស់ តែប៉ូលីសរូបនេះមិនព្រមឆ្លើយសោះ ។

ក្រោយមកកម្លាំងសមត្ថកិច្ចមូលដ្ឋាន បានចុះមកដល់បាននាំប៉ូលិសនោះ និងយុវជនរងគ្រោះ មកប៉ុ​ស្តិ៍ចោមចៅទី៣ ដើម្បីធ្វើការសាកសួរ។ក្រោយសួរនាំប៉ូលីសម្នាក់នោះ បានឆ្លើយសារភាពថា ខ្លួន​ជាសមត្ថកិច្ចក្លែងក្លាយទេ ហើយខោអាវឯកសណ្ឋាននេះ គឺទិញនៅផ្សារទឹកថ្លា ព្រោះស្រលាញ់​ខោ​អាវប៉ូលី​សពេក។
បច្ចុប្បន្នប៉ូលីសក្លែងក្លាយខាងលើ សមត្ថកិច្ច​កំពុង​កសាងសំណុំរឿង​បញ្ជូនទៅ​អធិការដ្ឋាន​ខណ្ឌ​ពោធិ៍​សែនជ័យ ដើម្បីចាត់ការតាមនីតិវិធី​៕

ព័ត៌មានគួរចាប់អារម្មណ៍

មួយករណីថ្មីទៀតហើយ សមត្ថកិច្ចស្រុកបាកាន ខេត្តពោធិ៍សាត់ ដឹកនាំកម្លាំង ចុះបង្ក្រាប ដើមកញ្ឆាខុសច្បាប់ និង អាវុធកែឆ្នៃមួយដើម (ច័ន្ទ សំណាង)

ព័ត៌មានគួរចាប់អារម្មណ៍

ប្រាក់ក៏បង់ថង់ក៏ដាច់ ខ្ចីលុយធនគារធ្វើផ្ទះមិនទាន់បង់សងគ្រប់ផង ប្តីខឹងសុំលុយប្រពន្ធទៅស្រុកមិនបាន តូចចិត្ត យកសាំងដុតផ្ទះ ស្លាប់ទាំងខ្លួន យ៉ាងរន្ធុត (ជា វ៉ាន់ឃុន)

ព័ត៌មានគួរចាប់អារម្មណ៍

ជនជាតិភាគតិច ក្នុងស្រុកសេសាន ខេត្តស្ទឹងត្រែង សម្រេចបិទផ្លូវលែងឲ្យចេញចូល ក្នុងភូមិតាមប្រពៃណីរបស់ ខ្លួន ដើម្បីការពារទប់ស្កាត់ជំងឺ កូវីដ ១៩ (ច័ន្ទ សំណាង)

ព័ត៌មានគួរចាប់អារម្មណ៍

ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ អំពាវនាវឲ្យពលរដ្ឋខ្មែរ កុំព្រោះតែការភ័យខ្លាចនិងជម្ងឺកូវីដ១៩ ក្លាយជាការរើសអើងគ្នា (ច័ន្ទ សំណាង)

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (សហការី)

វីដែអូ

ចំនួនអ្នកទស្សនា

ថ្ងៃនេះ :
58 នាក់
ម្សិលមិញ :
41 នាក់
សប្តាហ៍នេះ :
209 នាក់
ខែនេះ :
1317 នាក់
3 ខែនេះ :
5608 នាក់
សរុប :
125291 នាក់