រថយន្តកែឆ្នៃដឹកកម្មករបេះផ្លែស្វាយ ដាច់កាលេ រ៉េចង្កូតទៅបុកក្បាលស្ពាន បណ្ដាលឲ្យរងរបួសកម្មករជាច្រើននាក់
ខេត្តបាត់ដំបង៖កម្មករបេះផ្លែស្វាយជាច្រើននាក់ បានរងរបួសធ្ងន់និងស្រាស ដឹងបញ្ជូនទៅសម្រាកព្យាបាលនៅឯមន្ទីពេទ្យ ដោយសារឧបទ្ទវហេតុគ្រោះថ្នាក់ចរាចរណ៍ បង្កឡើងដោយរថយន្តកែឆ្នៃដឹកកម្មករទៅបេះផ្លែស្វាយ ដាច់កាលេរ៉េចង្គូតទៅបុកក្បាលស្ពាន។
ករណីគ្រោះថ្នាក់ចរាចរណ៍យនេះបានកើតឡើងកាលពីវេលាម៉ោង០៦និង១០នាទីព្រឹក ថ្ងៃទី០៥ ខែធ្នូ ឆ្នាំ២០១៩ នៅតាមផ្លូវវិស្វកម្ម ចំណុចស្ពាន ស្ថិតក្នុងភូមិទួលខ្វាវ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។
ក្រោយពីទទួលបានព័ត៌មាន ករណីគ្រោះថ្នាក់ចរាចរណ៍ដែលមានមានមនុស្សរបួសធ្ងន់ និងស្រាលចំនួន៣០នាក់ លោក សុង សុភ័ក្រ្ត អភិបាល នៃគណ:អភិបាលស្រុកភ្នំព្រឹក បានចុះទៅដល់កន្លែងកើតហេតុភ្លាមៗ ដើម្បីជួយអន្តាគមន៍ និងសង្គ្រោះយកទៅមន្ទីពេទ្យ។
ពាក់ពន្ឋ័ករណីនេះអាជ្ញាធរមូលដ្ឋានបានបញ្ជាក់ថា៖ករណីគ្រោះថ្នាក់ចរាចរណ៍ខាងលើនេះ បង្កឡើងដោយខ្លួន ដែលអ្នកបើកបរមានឈ្មោះ សឹង្ហ រ័ត្ន ភេទប្រុស អាយុ៣១ឆ្នាំ រស់នៅភូមិលំផាត់ ឃុំអូរដា ស្រុកកំរៀង។
សមត្ថកិច្ចបញ្ជាក់ទៀតថា៖កម្មករដែលរងរបួសមានចំនួន៣០នាក់ ស្រី២០នាក់ ក្នុងនោះរបួសធ្ងន់ចំនួន៦នាក់ ស្រី៥នាក់ ចំណែករបួសស្រាលចំនួន២៤នាក់ ស្រី១៥នាក់ និងរថយន្តកែឆ្នៃរងការខូចខាត៕
