ថ្ងៃសៅរ៍ ទី២៨ ខែមីនា ឆ្នាំ២០៥០
សូមស្វាគមន៌ប្រិយមិត្តទាំងអស់ ដែលនិយមគាំទ្រការផ្សាយរបស់ គេហទំព័ត៌សាត្រាឬទ្ធ សូមទំនាក់ទំនងការិយាល័យយើងខ្ញុំនៅរៀងរាល់ម៉ោងធ្វើការ ..តាមរយៈទូរស័ព្ទលេខៈ០១២ ៦៧១ ៣៧៣
ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូន បដិសេធថា មិនមានការផ្លាស់ប្តូរដំណែង ប្រធាន ស្ថានីយ៌ថ្លឹងរថយន្តលើសទម្ងន់ តាមស្ថានីយ៌ទាំង ២៧កន្លែង ដូចសម្តីប្រធានគណបក្សប្រឆាំងនោះឡើយ
Tue,07 January 2020 (Time 03:29 PM)
ដោយ ៖ ច័ន្ទ សរជ័យ (ចំនួនអ្នកអាន: 156នាក់)

ថ្មីៗនេះ បន្ទាប់លោក ពេជ្រ ស្រស់ ប្រធានគណបក្សយុវជនកម្ពុជា បានបង្ហោះសារមួយលើទំព័រហ្វេសប៊ុកផ្លូវការ របស់លោក កាលពីថ្ងៃ០៦ មករា ២០២០ ម្សិលមិញនេះ ដោយលើករឿងរបស់ក្រសួងសាធារណការ និងដឹកជញ្ជូន ថានឹងការផ្លាស់ប្ដូរ មន្ត្រីតាមស្ថានីយ៍ជញ្ជឹងថ្លឹងរថយន្តទូទាំង២៧ទីតាំង។ ស្រាប់តែនៅក្រោយមានការបង្ហោះសាររបស់លោក ពេជ្រ ស្រស់ បន្តិចរួចមក ព័ត៌មានដ៏រសើបនេះត្រូវបានបណ្ដាញសារព័ត៌មានក្នុងស្រុកជាច្រើន បានដកស្រង់ នឹងធ្វើការផ្សាយ ភ្លូកទឹកភ្លូក
ដីតែម្តង ។

អាចជាករណីរសើបខ្លាំង ពាក់ព័ន្ធទៅនឹងព័ត៌មានចែករំលែកគ្នាជាបន្តបន្ទាប់ នៅល្ងាចថ្ងៃទី៦ មករា ឆ្នាំ២០២០ម្សិលមិញនេះ ផងដែរ អ្នកនាំពាក្យក្រសួងសាធារណការ និងដឹកជញ្ជូន បានចេញសេចក្ដីប្រកាសរបស់ខ្លួនមួយ ដោយធ្វើការបដិសេធថា ករណីដែលបណ្តាញព័ត៌មានបានចែករំលែកនោះ គឺជាព័ត៌មានមិនពិត។

នៅក្នុងខ្លឹមសារ សេចក្ដីប្រកាសព័ត៌មាននោះ បានបញ្ជាក់ថា អ្នកនាំពាក្យក្រសួងសាធារណការ និងដឹកជញ្ជូន សូមជម្រាប ជូនសាធារណជនឲ្យបានជ្រាបថា ថ្មីៗនេះមានព័ត៌មានថា ក្រសួងសាធារណការ និងដឹកជញ្ជូននឹងធ្វើការផ្លាស់ប្តូរមន្ត្រីបម្រើ ការងារនៅតាមបណ្តាស្ថានីយជញ្ជីងថ្លឹងរថយន្តទូទាំង២៧ទីតាំង ដែលការផ្សាយដូចខាងលើនោះ ជាព័ត៌មានមិនពិតឡើយ ។

ពាក់ព័ន្ធនឹងករណីនេះ អ្នកនាំពាក្យក្រសួងសាធារណការ និងដឹកជញ្ជូន សូមជូនដំណឹងដល់សាធារណជន មេត្តាជ្រាបថា រហូតមកដល់ពេលនេះ ក្រសួងមិនទាន់មានការផ្លាស់ប្តូរមន្ត្រីបម្រើការងារ នៅស្ថានីយជញ្ជីងថ្លឹងរថយន្តណាម្នាក់នៅឡើយ ទេ ។ ក្នុងករណីមានការផ្លាស់ប្តូរ ក្រសួងនឹងរៀបចំអនុវត្តទៅតាមនីតិវិធីច្បាប់ជាធរមាន អាស្រ័យហេតុនេះ សូមសាធារណ ជន មេត្តាជ្រាបជាព័ត៌មាន ។

ទោះបីជាយ៉ាងណា តាមប្រភពដែលកំពុងបានចែករំលែកគ្នាបានឲ្យដឹងថា ជាធម្មតាលុះត្រាតែមានភ្លើងទើបមានផ្សែង ហើយ ករណីខាងលើ ក៏កំពុងមានក្លិនស្អុយជះចេញពីផ្ទៃក្នុងរបស់ក្រសួងសាធារណការ និងដឹកជញ្ជូន ជាបណ្តើរៗហើយ និយាយ ទៅវាជាតម្រុយផ្ទៃក្នុង ។

តាមដែលប្រភពជាច្រើនបានទម្លាយនោះ គឺលើកឡើងថា មន្រ្តីស៊ីវិលនៅទូទាំង ២៧ស្ថានីយ៍ សរុបប្រមាណចំនួន ១៦២រូប កំពុងភ័យបារម្ភដេកលែងលក់ហើយ ដោយសារតែការកំណែទម្រង់ ដែលស៊ីជ្រៅហួសរបស់លោករដ្ឋមន្រ្តី ស៊ុន ចាន់ថុល គឺថាស៊ីទាំងខ្ចីស៊ីទាំងចាស់ គ្រោងនឹងអនុវត្តន៌នៅពេលឆាប់ៗខាងមុខ ៕

ព័ត៌មានគួរចាប់អារម្មណ៍

ជនជាតិភាគតិច ក្នុងស្រុកសេសាន ខេត្តស្ទឹងត្រែង សម្រេចបិទផ្លូវលែងឲ្យចេញចូល ក្នុងភូមិតាមប្រពៃណីរបស់ ខ្លួន ដើម្បីការពារទប់ស្កាត់ជំងឺ កូវីដ ១៩ (ច័ន្ទ សំណាង)

ព័ត៌មានគួរចាប់អារម្មណ៍

ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ អំពាវនាវឲ្យពលរដ្ឋខ្មែរ កុំព្រោះតែការភ័យខ្លាចនិងជម្ងឺកូវីដ១៩ ក្លាយជាការរើសអើងគ្នា (ច័ន្ទ សំណាង)

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (សហការី)

ព័ត៌មានគួរចាប់អារម្មណ៍

កាំកុង​ត្រូល​ខេត្តកណ្ដាល ចុះត្រួតពិនិត្យ​ទំនិញហួសកាលបរិច្ឆេទ និងខូចគុណភាព ដាក់លក់នៅ​ផ្សាររកា​កោង (សហការី)

ព័ត៌មានគួរចាប់អារម្មណ៍

រដ្ឋបា​លខេត្តស្ទឹងត្រែង​ បើកវេទិកា​រផ្សព្វផ្សាយ និងពិគ្រោះ​យោបល់របស់ក្រុមប្រឹក្សា​ខេត្ត សម្រាប់​អាណត្តិទី៣ ឆ្នាំ២​០១៩ នៅក្នុងស្រុកសៀម​ប៉ាង (សហការី)

វីដែអូ

ចំនួនអ្នកទស្សនា

ថ្ងៃនេះ :
82 នាក់
ម្សិលមិញ :
33 នាក់
សប្តាហ៍នេះ :
305 នាក់
ខែនេះ :
1804 នាក់
3 ខែនេះ :
5140 នាក់
សរុប :
119256 នាក់