ទីតាំងសង្វៀនល្បែងភ្នាល់ជល់មាន់ និងវង់អាប៉ោង នៅក្នុងភូមិត្រពាំងឫស្សី ឃុំសំរោង ស្រុកជើងព្រៃ ខេត្តកំពង់ ចាម ដែលកន្លងមកត្រូវបានបិទនោះ ឥឡូវនេះត្រូវបានបើដំណើរការលេងវិញហើយ គេមិនដឹងថា រូបលោក ប្រាក់ សុគុណ ដែលជាអធិការស្រុកជើងព្រៃនោះ រូបលោកគិតយ៉ាងម៉េចនោះទេ ជាក់ស្តែងទីតាំងល្បែងភ្នាល់ខុស ច្បាប់មួយនេះ ដំណើរការលេងយ៉ាងសេរីតែម្តង ហើយសមត្ថកិច្ចក៏មិនឃើញអើពើដូចពេលមុនសោះតែម្តង ។

ប្រជាពលរដ្ឋជាច្រើនបាននាំគ្នាស្រែកឡើងថា ពួកគាត់អត់យល់សោះនោះទេ ប្រទេសកម្ពុជាបច្ចុប្បន្ននេះ ថ្នាក់ដឹក នាំគ្រប់ជាន់ថ្នាក់ កំពុងបានប្រកូកប្រកាស សុំឲ្យប្រជាពលរដ្ឋកាត់បន្ថយការជួបជុំគ្នា ដែលអាចបង្កជាហានីភ័យឆ្លង ជម្ងឺវីរុសកូវីដ១៩ ប៉ុន្តែជាក់ស្តែងនោះ គេមិនដឹងថា តើមូលហេតុអ្វីបានជាអាជ្ញាធរមូលដ្ឋានភូមិឃុំ សង្ងំធ្វើមិនដឹង មិនឮ ទុកឲ្យទីតាំងខាងលើ នេះ កើតឡើងនូវល្បែងស៊ីសងខុសច្បាប់ ក្រុមអ្នកញៀនល្បែងជួបជុំគ្នា កកកុញ យ៉ាង គគ្រឹកគគ្រេងទាំងអស់បែបនេះនោះទេ ឬមួយក៏ថា អស់លោកអាជ្ញាធររដ្ឋអំណាចមូលដ្ឋាន ភូមិឃុំទាំងអស់នោះ មិនខ្វល់ពីបទបញ្ជាណែនាំរបស់លោកនាយករដ្ឋមន្ត្រី ហ៊ុន សែន ទេឬក៏យ៉ាងណា ?

សេចក្តីរាយការណ៌បានឲ្យដឹងថា ទីតាំងជល់សង្វៀនភ្នាល់ជល់មាន់ និងអាប៉ោង ដែលស្ថិតនៅក្នុងភូមិឃុំខាងលើ នៅពេលនេះ បើកលេងយ៉ាងចំហរ ហើយពេលខ្លះមានការផ្លាស់ប្តូរទីតាំងម្តងម្កាល តែនៅក្បែរៗគ្នាដដែលមិន មានការរំខានដល់លោក អភិបាលស្រុក លោកអធិការនគរបាលស្រុក និងមេអាវុធហត្ថស្រុកនោះទេ ដែល
ហើយបើយ៉ាងនឹងតើបំរាមរបស់លោកនាយករដ្ឋមន្ត្រី ដែលសុំកុំឲ្យមនុស្សជួបជុំគ្នាច្រើនសន្ធឹកសន្ធាប់នោះ តើ
ប្រសិទ្ធិភាពនៅត្រង់ណាឲ្យពិតប្រាកដនោះ ។

ទោះជាយ៉ាងណា ប្រជាពលរដ្ឋរស់នៅក្នុងស្រុកជើងព្រៃ សូមសំណូមពរដល់រូបលោក ឯម កុសល ស្នងការនគរ
បាលខេត្តកំពង់ចាម សូមមេត្តាជួយមានចំណាត់ការបង្ក្រាបល្បែងខុសច្បាប់នេះផង ពីព្រោះថា ពួកគាត់ពិតជាបារម្ភ ពីសុវត្ថិភាពសុខភាពពួកគាត់ខ្លាំងណាស់ ដោយរាល់ថ្ងៃនេះ មិនដឹងថា ខាងណាខាងណីខ្លះនោះទេ មនុស្សឲ្យឈូទៅ ឈូមក សុទ្ធតែមនុស្សប្លែកមុខទាំងអស់ មកជួបជុំគ្នាយ៉ាងសន្ធឹកសន្ធាប់ និងលេងចាក់ភ្នាល់ ស្រែកហ៊ោគញ្ជ្រៀវឲ្យ កងរំពងជាខ្លាំង ផ្ទុយពីប្រសាសន៌របស់លោកនាយករដ្ឋមន្ត្រី ដែលលើកឡើងថា សុំកុំឲ្យមានមនុស្សជួបជុំគ្នា ក្នុង សភាពច្រើន នោះ ៕