ទោះបីជាមានបំរាមពីអាជ្ញាធរថ្នាក់កំពូលក៏ដោយ តែហាងផឹកស៊ីមួយមានឈ្មោះថា “DAV សាច់អាំងទឹកកាពិ” ក្បែរ ប៉ុស្តិ៍នគរបាលទឹកល្អក់ទី២ ស្ថិតនៅផ្លូវលេខ១៥៦ ក្នុងសង្កាត់ទឹកល្អក់ទី២ ខណ្ឌទួលគោក បានដំណើរការជាធម្មតា រហូតដល់មានករណីបាញ់រះជាច្រើនគ្រាប់ កាលពីវេលាម៉ោង១១ យប់ថ្ងៃទី១២ ខែមេសា ឆ្នាំ២០២០ ។ ប្រជាពលរដ្ឋ សំណូមពរឲ្យលោកស្នងការរាជធានីភ្នំពេញ ជាពិសេសលោក ឃួង ស្រេង មេត្តាពិនិត្យមើលសកម្ម ភាពការងាររបស់លោកអធិការវ័យក្មេងនៃខណ្ឌទួលគោក សុខ ហេង ផង ព្រោះឧស្សាហ៍កើតមានបទល្មើសក្នុង មូលដ្ឋានណាស់ ដែលនាំឲ្យប្រជាពលរដ្ឋមានការភ័យខ្លាច ។ តាមដែលប្រភពព័ត៌មានពីកន្លែងកើតហេតុ បានអោយដឹងថា មុនពេលកើតហេតុ គេបានឃើញជនសង្ស័យមួយ ក្រុមបានអង្គុយផឹកស៊ី ក្នុងភោជនីយដ្ឋាន “DAV សាច់អាំងទឹកកាពិ” នៅជិតប៉ុស្តិ៍នគរបាលរដ្ឋបាលទឹកល្អក់ទី២ ។ មួយសន្ទុះក្រោយមក មិនដឹងថាមានរឿងអ្វីទេ ស្រាប់តែជនសង្ស័យបានចេញពីក្នុងហាងមកខាងក្រៅ រួចបានដក កាំភ្លើង មិនស្គាល់ម៉ាក បាញ់រះជាច្រើនគ្រាប់ បង្កអោយមានការភ្ញាក់ផ្អើលដល់ប្រជាពលរដ្ឋ ប៉ុន្តែសំណាងល្អមិន មានអ្នករងរបួសនោះទេ ហើយភ្លាមៗនោះ ជនសង្ស័យបាន ជិះរត់គេចខ្លួនបាត់ស្រមោលពីកន្លែងកើតហេតុ ដោយ សុវត្ថិភាពមិនរំខានប៉ូលិសប៉ុស្តិ៍ទឹកល្អក់ទី២ ទេ ។សម្រាប់ហេតុការណ៌នេះ ប្រជាពលរដ្ឋជាច្រើន កំពុងនាំគ្នារិៈគន់ទៅលើបទបញ្ជារបស់លោក ឃួង ស្រេង អភិបាល រាជធានី ថាតើមូលហេតុអ្វីបានជាទន់ជ្រាយម៉្លេះ រហូតធ្វើឲ្យសមត្ថកិច្ចមូលដ្ឋានក្រោមកណ្តាប់ដៃដែក របស់លោក សង្ងំទុកហាងផឹកស៊ីមួយនេះ ដំណើរការរហូតកើតរឿងផ្អើលក្រុងយ៉ាងចឹងនោះ ៕
ព័ត៌មានគួរចាប់អារម្មណ៍
មួយករណីថ្មីទៀតហើយ សមត្ថកិច្ចស្រុកបាកាន ខេត្តពោធិ៍សាត់ ដឹកនាំកម្លាំង ចុះបង្ក្រាប ដើមកញ្ឆាខុសច្បាប់ និង អាវុធកែឆ្នៃមួយដើម (ច័ន្ទ សំណាង)
ប្រាក់ក៏បង់ថង់ក៏ដាច់ ខ្ចីលុយធនគារធ្វើផ្ទះមិនទាន់បង់សងគ្រប់ផង ប្តីខឹងសុំលុយប្រពន្ធទៅស្រុកមិនបាន តូចចិត្ត យកសាំងដុតផ្ទះ ស្លាប់ទាំងខ្លួន យ៉ាងរន្ធុត (ជា វ៉ាន់ឃុន)
ជនជាតិភាគតិច ក្នុងស្រុកសេសាន ខេត្តស្ទឹងត្រែង សម្រេចបិទផ្លូវលែងឲ្យចេញចូល ក្នុងភូមិតាមប្រពៃណីរបស់ ខ្លួន ដើម្បីការពារទប់ស្កាត់ជំងឺ កូវីដ ១៩ (ច័ន្ទ សំណាង)
ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ អំពាវនាវឲ្យពលរដ្ឋខ្មែរ កុំព្រោះតែការភ័យខ្លាចនិងជម្ងឺកូវីដ១៩ ក្លាយជាការរើសអើងគ្នា (ច័ន្ទ សំណាង)
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (សហការី)
វីដែអូ
ចំនួនអ្នកទស្សនា