អាគារមជ្ឈមណ្ឌលកម្សាន្ត ( រ៉ក់ ) គឺជាទីតាំង ដែលប្រមូលផ្តុំទៅដោយក្រុម យុវវ័យគ្រប់ស្រទាប់ឲ្យចូលកំសាន្តហើយក៏ជាកន្លែងសំបូរទៅដោយគ្រឿងញៀនយ៉ាង សំបូរបែបផងដែរ តែឥឡូវនេះ ត្រូវបានវាយកំទេចចោល
ហើយកុំអោយមានការរិះគន់ថា តើរឿងករណីមជ្ឈមណ្ឌលកម្សាន្ត( រ៉ក់) នៅមានអ្វីជាអាថ៌កំបាំង តទៅទៀត។

គួររម្លឹកឡើងវិញផងដែរថា លោកឧកញ៉ា គិត ធាង ត្រូវកម្លាំងនគរបាលចម្រុះ នាំខ្លួនទៅស្នងការដ្ឋាននគរបាលរាជធានីភ្នំពេញ នៅព្រលប់ ថ្ងៃទី ១១ ខែមីនា ឆ្នាំ២០១៩ ពីភូមិគ្រឹះរបស់លោក ស្ថិតនៅផ្លូវលេខ ២៨៩ ក្នុងសង្កាត់
បឹងកក់១ ខណ្ឌទួលគោក ។ ការនាំខ្លួនលោកឧកញ៉ា គិត ធាង ម្ចាស់ទីតាំងអតីតមជ្ឈមណ្ឌល កំសាន្ត រ៉ុក ”Club Rock” ដោយអនុវត្តតាមដីការបស់សាលាដំបូងរាជធានី ភ្នំពេញបន្ទាប់ពីមានប្រតិកម្ម ខ្លាំងៗ ពីសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។ បន្ទាប់មកនៅល្ងាចថ្ងៃទី ១២ ខែមិនា ឆ្នាំ២០១៩ ចៅក្រម ស៊ើបសួរ នៃតុលាការ ក្រុងភ្នំពេញបានចេញដីកាបង្គាប់ឲ្យឃុំខ្លួន ឧកញ៉ារូបនេះដាក់ពន្ធនាគារ ជាបណ្តោះអាសន្ន ហើយ ពីបទសម្រួលឱ្យប្រើប្រាស់ ដោយខុសច្បាប់នូវ សារធាតុញៀន តាមមាត្រា ៤៤ ច្បាប់ ស្តីពីការត្រួតពិនិត្យ គ្រឿងញៀន ។

មាត្រា៤៤ កថាខណ្ឌ ទី២ ច្បាប់ ស្តីពីការត្រួតពិនិត្យ គ្រឿងញៀនចែងថា អំពើជួល ទីកន្លែង ផ្តល់ ទីកន្លែង ឬអំពើ ផ្សេងទៀត ដែលបង្កលក្ខណៈ ងាយស្រួលដល់ការប្រើប្រាស់ដោយខុសច្បាប់នូវសារធាតុ ញៀន គឺជាបទ សម្រួល ឱ្យ ប្រើប្រាស់ ដោយ ខុស ច្បាប់ នូវ សារធាតុ ញៀន ត្រូវ ផ្តន្ទាទោស ពី ៥ ឆ្នាំទៅ ១០ ឆ្នាំ និង ពិន័យ ជា ប្រាក់ ពី ១០ លាន រៀល ទៅ ២០ លាន រៀល ។បច្ចុប្បន្ននេះដែរម្ចាស់ក្លឹបកំសាន្តមួយនេះត្រូវបានចៅក្រមជំនុំជំរះសាលាដំបូងរាជធានីភ្នំពេញកាត់ក្តីឲ្យជាប់ពន្ធនាគាររយៈពេល ៤ឆ្នាំប៉ុណ្ណះដែលការជាប់នេះត្រូវបានមតិមហាជនលួចខ្សឹបតៗគ្នាថាពិតជាឧកញ្ញ៉ាមហាសំណាងបោះគេមែន៕