ចប់បាត់ នៅពេលដែលពលរដ្ឋនាំគ្នារិៈគន់ថា សូម្បីតែលោក ឃួង ស្រេង អភិបាលរាជធានីភ្នំពេញ ដែលល្បីថា ជាបុរសខ្លាំងមួយរូប ក៏មិនអាចឲ្យអស់លោកសមត្ថកិច្ចខណ្ឌមានជ័យបង្ក្រាបទីតាំងជល់មាន់ របស់ឈ្មោះ សាញ់ និងឈ្មោះ អាខ្មៅ ដែលសង្ងំគៀងគរមនុស្សឲ្យចូលលេង នៅក្នុងភូមិឬស្សី សង្កាត់ស្ទឹងមានជ័យទី២ ខណ្ឌមានជ័យ បានយ៉ាងរលូនរាប់ឆ្នាំ ក្លាយជាការងឿងឆ្ងល់ថា ហេតុម៉េចបានជាបទបញ្ជារបស់លោក ឃួង ស្រេង គ្មានប្រសិទ្ធិ ភាព នៅត្រង់កន្លែងហ្នឹងចឹង ឬមួយក៏ថា ទីតាំងកន្លែងនឹង មេការវង់ល្បែង គាត់ខ្លាំង ជាងអភិបាលរាជធានី ទៅ ទៀត ។

បើតាមសេចក្តីរាយការណ៌ បានឲ្យដឹងថា ទីតាំងសង្វៀនជល់មាន់ដុះស្លែមួយកន្លែង ស្ថិតនៅក្នុងភូមិឬស្សី សង្កាត់ ស្ទឹងមានជ័យ២ ខណ្ឌមានជ័យ គឺត្រូវបានដំណើរការលេងយ៉ាងភ្លូកទឹកភ្លូកដី ជាហូរហែរណាស់មកហើយ ដែល គេបានដឹងថា នៅក្នុងទីតាំងនេះល្បែងមួយនេះ គឺមានទាំងជល់មាន់ មានទាំងបៀរ និងមានទាំងអាប៉ោង គឺសកម្ម ភាពចូលលេងហាក់បីដូចជាកាក់កប ជាងកន្លែងដ៏ទៃឆ្ងាយណាស់ ។ ជារៀងរាល់ថ្ងៃ គេតែងឃើញក្រុមអ្នកញៀន ល្បែងជាច្រើនបាននាំគ្នាចូលលេង ឲ្យកងរំពង ដូចជាទឹកបាក់ទំនប់ ធ្វើឲ្យពលរដ្ឋដែលអាស្រ័យរស់នៅក្បែរៗនោះ មានការបារម្ភ អំពីសុវត្ថភាពរស់នៅ កាន់តែខ្លាំងទៅៗ ។

ពលរដ្ឋទាំងអស់នោះ បានលើកឡើងថា តើយ៉ាងម៉េចបានជាអាជ្ញាធរសមត្ថកិច្ចខណ្ឌមានជ័យ គាត់បណ្តែត បណ្តោយឲ្យទីតាំងល្បែងខុសច្បាប់មួយនេះ ធ្វើព្យុះភ្លៀងខ្លាំងតាមទំនើងចិត្តយ៉ាងចឹង រហូតមកទល់នឹងពេលនេះ
ទីតាំងមួយនេះ តែងមានសេចក្តីសុខ ដំណើរការលេងបានយ៉ាងរលូន បើទោះជាទីតាំងល្បែងខុសច្បាប់ជាច្រើន ត្រូវបានលោកអភិបាលរាជធានី ដាក់បទបញ្ជាឲ្យបង្ក្រាបយ៉ាងណាក៏ដោយ ។

តាមប្រជាពលរដ្ឋលើកឡើងថា ទីតាំងខាងលើនេះ គឺមានចំងាយឆ្ងាយចេញពីទីតាំងឈរជើង របស់អាវុធហត្ថ ខណ្ឌមានជ័យ ចម្ងាយឆ្ងាយណាស់ត្រឹមតែ ៣០០ម៉ែត្រ ប៉ុណ្ណោះ ប៉ុន្តែគេឃើញទាំងអាវុធហត្ថ និងទាំងសមត្ថកិច្ច នគរបាលខណ្ឌ ហាក់បីដូចជាមើលរំលងអត់ឃើញនោះសោះ ធ្វើឲ្យពលរដ្ឋលាន់មាត់គ្រប់ៗគ្នាថា សង្ស័យតែ សមត្ថកិច្ចខណ្ឌមានជ័យ ពួកគាត់ទាំងអស់នោះ ត្រូវថ្នាំសណ្តំចូលហោប៉ៅអស់ហើយទេដឹង មើលទៅ ។

ក្នុងនោះដែរ មេការដែលល្បីឈ្មោះ ពូកែចាយលុយជាមួយសមត្ថកិ ច្ច គឺមានឈ្មោះ សាញ់ និងមានឈ្មោះ អាខ្មៅ ទើបគេសង្ស័យថា អាជ្ញាធរខណ្ឌមានជ័យ ដេកភ្លេចគិតពីបទបញ្ជារបស់លោក ឃួង ស្រេង ទៅបាន ក៏ព្រោះតែប្រយោជន៌យ៉ាងសម្បើម ។

ទោះជាបែបណាក្តី សាត្រាឬទ្ធិ ព័ត៌មាន នៅមិនអាចទំនាក់ទំនងលោក ម៉េង វិមានតារា អធិការនគរបាលខណ្ឌ មានជ័យ ពាក់ព័ន្ធទៅនឹងព័ត៌មានមួយនេះ បាននៅឡើយទេ ក្នុងថ្ងៃនេះ ៕