ថ្មីៗនេះ ព្រគ្រូ ហោ ម៉េងខេង ព្រះចៅអធិការវត្តមហាបឹងប្រាំរយ បានចែកជូនអំណោយជាទេយ្យទាន មួយចំ នួនជូនដល់លោកតាអាចារ្យ គណៈកម្មការវត្តមហាបឹង៥០០ ដែលស្ថិតនៅភូមិបឹងប្រាំរយ ឃុំស្អាងភ្នំ ស្រុកស្អាង ខេត្តកណ្តាល ។

ព្រះគ្រូ ហោ ម៉េងខេង បានមានសង្ឃដេកាថា អំណោយមួយចំនួននេះ គឺជាទឹកព្រះទ័យរបស់ព្រះអង្គផ្ទាល់ ដែល មានចំពោះលោកតាអាចារ្យ និងគណៈកម្មការវត្ត ក្នុងគោលបំណងចែករំលែកគ្នា និងការបន្ថយសម្រាលទុក្ខលំ បាកគ្នា ។ ក្នុងនោះ ថ្វីបើអំណោយទេយ្យទាន ទាំងអស់នេះ មិនមានច្រើនសន្ធឹកសន្ធាប់ក៏ដោយក្តី ក៏ប៉ុន្តែទេយ្យ ទានទាំង អស់នេះ គឺអាចជួយសម្រាលការប្រើប្រាស់បានមួយរយៈផងដែរ ។

ព្រះគ្រូ ហោ ម៉េងខេង បានមានសង្ឃដេកាថា ទេយ្យទានទាំងអស់នេះ គឺជាអំណោយរបស់សប្បុរជន ដែលប្រ គេនដល់ព្រះអង្គ ហើយជាក់ស្តែងព្រះអង្គក៏មិនធ្លាប់បានយកទៅប្រើប្រាសអ្វីឲ្យខាតបង់នោះដែរ ជានិច្ចជា កាលអំណោយទាំងអស់របស់សប្បុរសជន គឺព្រះអង្គបានតែងបានរក្សាទុក ដើម្បីយកចែកជូនបន្តសម្រាប់ ពលរដ្ឋទូទៅ ក្នុងគោលបំណងប្រើជាប្រយោជន៌កាត់បន្ថយភាពក្រីក្រ ក្នុងសង្គម ។

ស្របពេលដែលព្រះគ្រូ ហោ ម៉េងខេង ចែកជូននូវទេយ្យទានជូនដល់លោកតាអាចារ្យ វត្តបឹងមហាប្រាំរយនេះ ផងដែរ ពុទ្ធបរិស័ទជាច្រើនបានលើកឡើងថា ព្រះគ្រូ ហោ ម៉េងខេង គឺជាទីបឹ្រក្សាសម្តេចព្រះអគ្គមហាសង្ឃរាជា ធិបតី កត្តិ ឧទ្ទេសៈ បណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា និងជាទីប្រឹក្សា សម្តេចមហាសុមេធាធិបតី កត្តិ ឧទ្ទេសៈ នន្ទ ង៉ែត សម្តេចសង្ឃនាយក នៃព្រះរាជាណាចក្រកម្ពុជា កន្លងមក ជាព្រះគ្រូសូត្រស្តាំ វត្តមង្គលវ័ន្ត ហៅវត្តកណ្តាល ស្ថិតនៅភូមិកណ្តាល ឃុំទឹកវិល ស្រុកស្អាង ខេត្តកណ្តាល
បច្ចុប្បន្នជាព្រះចៅអធិការវត្តមហាបឹងប្រាំរយ ហើយកន្លងមកផងដែរ ព្រះគ្រូតែងបានចូលរួមចំណែកជួយសង្គម តាមរយៈការជួយដល់កាកបាតក្រហមកម្ពុជា និងជួយប្រជាពលរដ្ឋក្រីក្រជាច្រើន ផងដែរ ៕