មានការកោតសសើរពីប្រជាពលរដ្ឋថា លោកឧកញ៉ា អ៉ឹម ប្រុស កន្លងមករូបលោក តែងត្រូវបានគេស្គាល់ថាជា គ្រូផ្នែកមន្តវិជ្ជាគាថា ជួយប្រោះព្រំ ស្រោចទឹក ក៏ដូចជាធ្វើពិធីប្រសិទ្ធីនានា ជួយដល់ទុក្ខលំបាករបស់ប្រជាពលរដ្ឋ ទូទៅ ដែលតែងទៅពឹងអាស្រ័យនោះ រូបលោកក៏មានតួនាទីផ្នែកអាណាចក្រផងដែរ គឺជាប្រធានក្រុមការងារ គ្រប់គ្រងគ្រោះមហន្តរាយខេត្តកំពង់ចាម ដោយបានចូលរួមយ៉ាងសកម្មជាមួយរាជរដ្ឋាភិបាលកម្ពុជា ដែលមាន សម្តេចតេជោជាប្រមុខដឹកនាំក្នុងសង្គមគួរឲ្យចាប់អារម្មណ៌។

ការចូលរួមយ៉ាងសកម្មនេះ ត្រូវបានគេមើលឃើញថា រូបលោកក៏តែងបានចំណាយទ្រព្យធនផ្ទាល់ខ្លួន តាមលទ្ធ ភាពជាក់ស្តែងចំពោះមុខ ជួយដោះទុក្ខលំបាកពលរដ្ឋទីទាល់ក្រយ៉ាងច្រើន ឬក៏ជាការរងគ្រោះថ្នាក់បង្កឡើងដោយ ធម្មជាតិណានោះទេ ។

ប្រជាពលរដ្ឋជាច្រើននោះបន្តថា កន្លងមកគេ តែងមានព័ត៌មានមួយចំនួន បានផ្សាយចែករំលែកតែការរិៈគន់លើ រូបលោកគ្រូឧកញ៉ា ដោយលើកឡើងមានកំហុស ខុសនេះខុសនោះឲ្យតែរហូត ប៉ុន្តែដោយឡែកគុណសម្បត្តិរបស់ លោកគ្រូ គឺក្រុមអ្នកព័ត៌មានពុំ សូវជាបានលើកយកមកផ្សាយចែករំលែកជូនសង្គមនោះឡើយ ជាហេតុធ្វើឲ្យអ្វី ដែលជាការខិតខំចូលរួមចំណែកក្នុងសង្គមរបស់លោកឧកញ៉ា មិនបានជ្រាបដល់ពលរដ្ឋទូទៅ ។

កន្លងមកទាំងទីវត្តអារ៉ាមសាសនា ទាំងទីតាំងស័ក្តសិទ្ធ ទាំងការចុះជួយដល់ពលរដ្ឋដែលរងនូវការខ្វះខាតចាំបាច់ ពោលទាំងវិស័យពុទ្ធចក្រ និងអាណាចក្រ គឺរូបលោកឧកញ៉ា តែងលះបង់នូវកម្លាំងកាយ កម្លាំងចិត្ត និងធនធាន សម្បត្តិផ្ទាល់ខ្លួនយ៉ាងច្រើន រហូតបានធ្វើឲ្យរូបលោកឧកញ៉ា បានទទួលស្គាល់ពីថ្នាក់ដឹកនាំគ្រប់ជាន់ថ្នាក់ នៅ ក្នុងប្រទេសកម្ពុជា ។

ប្រជាពលរដ្ឋទាំងនោះបន្តថា ថ្មីៗនេះ គេបានដឹងថា រូបលោកគ្រូឧកញ៉ា អ៉ឹម ប្រុស គ្រោងនឹងជួយដល់វិ័យពុទ្ធចក្រ
មួយថ្មីទៀត គឺចូលរួមឧបត្ថម្ភដល់វត្តព្រហ្មវិហារធម៌តេជោជប់រង្សី សរ៉ារ៉ាម ហៅវត្តអង្គការអេដស៏ ដែលកំពុង មានការខ្វះខាត ទាំងកុដិ ទាំងព្រះវិហារ និងសមិទ្ធិផលជាច្រើន ។ ទឹកចិត្តដ៏ប្រពៃរបស់លោកគ្រូឧកញ៉ា សង្ឃឹមថា បងប្អូនមហាជនអាចនឹងបានជ្រាប ឲ្យផ្តល់គុណតម្លៃ នៅពេលខាងមុខទាំងអស់គ្នា ៕