ថាបើជាព្រះសង្ឃក្លែងក្លាយ ឬក៏ចោរលួចចោរប្លន់ទៅ សមត្ថកិច្ចនិងប្រជាពលរដ្ឋងាយស្រួលនឹងដាក់ទោសខ្លះៗ តែ ដល់ទៅជាករណីមនុស្សពុលបែកថ្នាំមិនដឹងខុសត្រូវអ្វីសោះចឹងនោះ គឺទាំងពលរដ្ឋ ទាំងព្រះសង្ឃ ក៏ដូចជាសមត្ថកិច្ច ផ្តើមនាំគ្នាគិតអត់យល់ ហើយម្នាក់ៗបានត្រឹមតែហួសចិត្ត និងព្យាយាមឃាត់ខ្លួនមនុស្សខាងលើ ដើម្បីស្វែងរកសាច់ ញាតិដែលបាត់សមាជិក មកទទួលយកសមាជិកវិញ ។

តាមសេចក្តីរាយការណ៏បានប្រាប់ឲ្យដឹងថា មានករណីប្រជាពលរដ្ឋភ្ញាក់ផ្អើលមួយ នៅព្រឹកថ្ងៃទី០១ ខែវិច្ឆិកា ឆ្នាំ ២០២១ ក្នុងផ្សារស្លាបលេង ស្ថិតនៅភូមិស្លាបលេង ឃុំស្វាយអំពា ស្រុកបសេដ្ឋ ខេត្តកំពង់ស្ពឺ មានករណីដែលមាន បុគ្គលមនុស្សពុលបែកថ្នាំម្នាក់ លួចស្បង់ជីពរដែលព្រះសង្ឃហាល យកទៅស្លៀកគ្របដណ្តប់ដើរពេញផ្សារ ស្លាប លេង ។

ដោយឃើញសភាពប៉ះពាល់ដល់ពុទ្ធសាសនាជាខ្លាំងផងនោះ ករណីខាងលើ ក៏ត្រូវបានប្រជាពលរដ្ឋធ្វើការលួង លោម នាំយកមកប្រគល់ឲ្យព្រះគ្រូ គីម ចន្នី ជាព្រះលេខាអនុគណ ស្រុកបសេដ្ឋ ខេត្តកំពង់ស្ពឺ ដើម្បីសួរនាំ និង រៀបចំពិធីសម្រាតស្បង់ជីវរ ពីបុគ្គលពុលបែកថ្នាំខាងលើ ដើម្បីប្រគល់ឲ្យសមត្ថកិច្ចឃាត់ខ្លួន និងស្រាវជ្រាវ រកសាច់ញាតិដែលបាត់សមាជិក ឲ្យមកទទួលយកទៅលំនៅឋានវិញ ។

តាមសេចក្តីរាយការណ៌បានបញ្ជាក់ថា ករណីបុគ្គលជនពលបែកថ្នាំខាងលើនេះ សមត្ថកិច្ចបានព្យាយាមសួរនាំ ផងដែរ ប៉ុន្តែមនុស្សដែលបែកថ្នាំខាងលើ គឺហាក់បីដូចជាមិនដឹងអីសោះតែម្តង ទើបសមត្ថកិច្ចអំពាវនាវដល់បង ប្អូនប្រជាពលរដ្ឋគ្រប់រូប ករណីប្រសិនមានការបាត់បង់សមាជិកក្នុងគ្រួសារ ដែលមានភិនភាគដូចបង្ហាញផងនេះ សូមមេត្តាជួយមកទទួលយកសមាជិកទៅថែក្សានៅលំនៅដ្ឋានវិញផង ព្រោះបើមិនដូច្នោះនោះទេ វាគឺជាផល លំបាកមួយសម្រាប់ការពាររូបគាត់ជាខ្លាំងណាស់ ៕