ថ្ងៃសុក្រ ទី៣០ ខែកក្កដា ឆ្នាំ២០៥០
សូមស្វាគមន៌ប្រិយមិត្តទាំងអស់ ដែលនិយមគាំទ្រការផ្សាយរបស់ គេហទំព័ត៌សាត្រាឬទ្ធ សូមទំនាក់ទំនងការិយាល័យយើងខ្ញុំនៅរៀងរាល់ម៉ោងធ្វើការ ..តាមរយៈទូរស័ព្ទលេខៈ០១២ ៦៧១ ៣៧៣
ថាមែនៗ!..... ថាអីចេះខុស កុំឲ្យចេះតែហ៊ាន ពលរដ្ឋទូទាំងរាជធានី គោរពសេចក្តីសម្រេចរបស់រាជរដ្ឋាភិបាលវិធានការ រាំងខ្ទប់ ដោយឡែកលោកផ្កាយ២ អ៊ុង ចាន់ធួក ប្រមូលមនុស្សអ្នកជួលបន្ទប់ខ្លួន ផឹកស៊ីច្រៀងរាំ និងប៉ាតម្សៅ ពេល នេះ ត្រូវអស់បុណ្យសក្តិ បណ្តេញចេញពីការងារ និងត្រុវបានចូលតុលាការដូចបំណង
Sat,17 April 2021 (Time 11:24 PM)
ដោយ ៖ ច័ន្ទ សុខណេង (ចំនួនអ្នកអាន: 66នាក់)

ចឹងបានតែថា មនុស្សមួយចំនួនឲ្យតែមានបុណ្យស័ក្តិ មានអំណាចខ្លះៗ រមែងចង់យកអំណាចនោះ មកសាកល្បងប្រើ សម្តែងឡើង ដោយចង់ដឹងថា រិទ្ធីអំណាចរបស់ខ្លួននោះវាមានបារមីប៉ុណ្ណា យ៉ាងណាមិញ លោកឧត្តមសេនីយ៌ អ៊ុង ចាន់ ធួក ដែលល្បីថា មានរិទ្ធិបារមីខ្លាំងផងនោះ ក៏បានសាកល្បងរិទ្ធីបារមីខ្លួនដើម្បីបង្អួតហ្វូងមនុស្សដែលជាអ្នករស់នៅជួល ក្នុងបន្ទប់ខ្លួនឲ្យបានឃើញថា តើមានអ្នកណាហ៊ានធ្វើអីដែរឬក៏អត់? ដឹងអីត្រូវចំយាមក្រឡាម៉ោងស៊យ ត្រូវសមត្ថកិច្ច អនុវត្តន៌បញ្ជានាំគ្នា ប្រមូលវាយខ្នោះរូបគាត់ និងបុរស២នាក់ទៀតឡើងឡានឲ្យយ៉ាងសង្ហា ចំណែកមនុស្សអ្នកជួល បន្ទប់ដែលកំពុងតែសប្បាយជាច្រើននោះ ត្រូវបាននាំគ្នារត់ចែកជើងគ្នាចូលបន្ទប់ជួល បាតជើងឲ្យសព្រាត ។

តាបប្រភពព័ត៌មានបានឲ្យដឹងថា ពេលនេះ នាយឧត្តមសេនីយ៍ នេត សាវឿន លោកមិនព្រងើយកន្តើយជាមួយបុគ្គល អ្នកច្បាប់មួយចំនួន ដែលប្រើអំណាចខ្លួនបំពានច្បាប់នោះឡើយ លោកថា ឧត្តមសេនីយ៍ទោ អ៊ុង ចាន់ធួក នឹងត្រូវដក ស័ក្តិ និងបណ្តេញចេញពីក្នុងជួរនគរបាល ព្រមទាំងបញ្ជូនទៅតុលាការតាមច្បាប់ ដោយសារបង្កើតកម្មវិធី ផឹកស៊ី រាំ ច្រៀង និងប៉ាតម្សៅ ដល់អ្នកជួលបន្ទប់របស់ខ្លួន បំពាននឹងសេចក្តីសម្រេចរបស់រាជរដ្ឋាភិបាល ។

ការធ្វើសកម្មភាពរបស់លោកផ្កាយ២នេះ គឺជាសកម្មភាពដ៏គឃ្លើនមួយផ្គើនទៅនឹង សេចក្តីសម្រេចរបស់សម្តេច តេជោ ខណៈដែលអាជ្ញាធរថ្នាក់ដឹកនាំទូទាំងប្រទេសកំពុងបានខ្វល់ខ្វយអំពីសុខទុក្ខអាយុជីវិតរបស់ប្រជាពលរដ្ឋ ដែលកំពុងប្រឈមទៅនឹងគ្រោះកាចចង្រៃជម្ងឺកូវីដ១៩រាតត្បាត លោកឧត្តមសេនីយ៌ទោ អ៊ុង ចាន់ធួក បែរជាធ្វើ រឿងមួយដែលជារឿងហួសចិត្តនឹកស្មានមិនដល់ ។

គួរបញ្ជាក់ថា មានហេតុការណ៍ដ៏គឃ្លើនមួយបានកើតឡើងនៅយប់ថ្ងៃទី១៦ ខែមេសា ឆ្នាំ២០២១ ស្ថិតនៅភូមិ ដំណាក់ធំទី២ សង្កាត់ស្ទឹងមានជ័យទី៣ ខណ្ឌមានជ័យ ក្រោយទទួលបានព័ត៌មានពីប្រជាពលរដ្ឋ និងរហូតមាន ការឡាយរតាមបណ្តាញសង្គមហ្វេសបុកទៀតផងនោះ លោក ឃួង ស្រេង អភិបាលរាជធានីភ្នំពេញ លោកបាន បញ្ជាឲ្យកម្លាំងសមត្ថកិច្ច និងអាជ្ញាធរចុះទៅជាបន្ទាន់ ដើម្បីធ្វើការទប់ស្កាត់ និងថែមទាំងវាយខ្នោះបុរស ៣នាក់ ដែលជាអ្នករៀបចំកម្មវិធីរាំ សប្បាយ ច្រៀង និងប៉ាតម្សៅ តែម្តង ។

បើតាមរបាយការណ៍របស់អធិការដ្ឋាន នគរបាលខណ្ឌមានជ័យ ត្រូវបានប្រព័ន្ធផ្សាយចែករំលែកជាបន្តបន្ទាប់ បានឲ្យដឹងថា នៅវេលាម៉ោង ២១ និង៣០នាទី ថ្ងៃសុក្រ ទី១៦ ខែមេសា ឆ្នាំ២០២១ នៅចំណុចតំបន់ផ្ទះជួល លេខ58 ផ្លូវវេងស្រេង ភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ កម្លាំងអធិការដ្ឋាននគរបាលខណ្ឌ បានសហការជាមួយកម្លាំងអន្តរាគមន៍របស់អគ្គស្នងការដ្ឋាននគរបាលជាតិ បានឃាត់ខ្លួនជនសង្ស័យចំនួន០៣ នាក់ ក្នុងនោះរួមមាន ១-ឈ្មោះ អ៊ុង ចាន់ធួក ភេទប្រុស អាយុ៤៥ឆ្នាំ ជាម្ចាស់ទីតាំងផ្ទះជួល ឋានៈអនុប្រធាន សេនាធិការ នៃអគ្គស្នងដ្ឋានការនគរបាលជាតិ ឋានន្តរស័ក្តិឧត្តមសេនីយ៍ទោ ។ ២-ឈ្មោះ ឡាយ ភារុណ ភេទ ប្រុស អាយុ២៨ឆ្នាំ មុខរបរបំរើការងារនៅផ្ទះ ឈ្មោះ អ៊ុង ចាន់ធួក។ ៣-ឈ្មោះ កុក ឃី ភេទប្រុស អាយុ៣៥ឆ្នាំ មុខរបរបំរើការងារនៅផ្ទះ អ៊ុង ចាន់ធួក។ ដោយឡែក មនុស្សមួយចំនួនទៀតបានរត់ចូលផ្ទះជួលអស់ពេល សមត្ថកិច្ចទៅដល់ ។
របាយការណ៍បានបញ្ជាក់ទៀតថា ជនទាំង៣នាក់នេះ បានធ្វើសកម្មភាពប្រមូលផ្តុំកម្មករ និងប្រជាពលរដ្ឋ ចន្លោះពី៣០ ទៅ៤០នាក់ ដែលស្នាក់នៅផ្ទះជួលរបស់ខ្លួន (អ៊ុង ចាន់ធួក) ផឹកស៊ី រាំច្រៀង លេងប៉ាតម្សៅ នៅ ក្នុងទីតាំងរបស់ខ្លួន។

ក្រោយការឃាត់ខ្លួន បុរសទាំង៣នាក់នេះ ត្រូវបានកម្លាំងនគរបាលចាប់បញ្ជូនឡើងរថយន្ត បញ្ជូនទៅកាន់ អធិការដ្ឋាននគរបាលខណ្ឌមានជ័យ ដើម្បីចាត់ការតាមច្បាប់បន្តទៀត។ ហើយនៅព្រឹកថ្ងៃទី១៧ ខែមេសា ឆ្នាំ២០២១ នេះ នាយឧត្តមសេនីយ៍ នេត សាវឿន : ឧត្តមសេនីយ៍ទោ អ៊ុង ចាន់ធួក នឹងត្រូវដកស័ក្តិ និង បណ្តេញចេញពីក្នុងជួរនគរបាល និងបញ្ជូនទៅតុលាការតាមច្បាប់។

ទោះជាយ៉ាងណាចំណាត់ការរបស់អគ្គស្នងការនគរបាលជាតិនេះ គឺជាកញ្ចក់ដ៏ល្អមួយបង្ហាញឲ្យឃើញថា ទោះជា យ៉ាងណា យុត្តិធម៌ត្រូវតែមានពិតប្រាកដ ច្បាប់មានតម្លាភាពស្មើគ្នា មិនមែនអនុវត្តន៌តែលើពលរដ្ឋ ហើយមន្ត្រី មានបុណ្យស័ក្តិច្បាប់លើកលែងនោះឡើយ ដូច្នេះករណីអនុវត្តន៌ច្បាប់លើបុគ្គលលោកផ្កាយ២នេះ ក៏ជាគំរូ សម្រាប់សង្គមផងដែរ ៕

ព័ត៌មានគួរចាប់អារម្មណ៍

មួយករណីថ្មីទៀតហើយ សមត្ថកិច្ចស្រុកបាកាន ខេត្តពោធិ៍សាត់ ដឹកនាំកម្លាំង ចុះបង្ក្រាប ដើមកញ្ឆាខុសច្បាប់ និង អាវុធកែឆ្នៃមួយដើម (ច័ន្ទ សំណាង)

ព័ត៌មានគួរចាប់អារម្មណ៍

ប្រាក់ក៏បង់ថង់ក៏ដាច់ ខ្ចីលុយធនគារធ្វើផ្ទះមិនទាន់បង់សងគ្រប់ផង ប្តីខឹងសុំលុយប្រពន្ធទៅស្រុកមិនបាន តូចចិត្ត យកសាំងដុតផ្ទះ ស្លាប់ទាំងខ្លួន យ៉ាងរន្ធុត (ជា វ៉ាន់ឃុន)

ព័ត៌មានគួរចាប់អារម្មណ៍

ជនជាតិភាគតិច ក្នុងស្រុកសេសាន ខេត្តស្ទឹងត្រែង សម្រេចបិទផ្លូវលែងឲ្យចេញចូល ក្នុងភូមិតាមប្រពៃណីរបស់ ខ្លួន ដើម្បីការពារទប់ស្កាត់ជំងឺ កូវីដ ១៩ (ច័ន្ទ សំណាង)

ព័ត៌មានគួរចាប់អារម្មណ៍

ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ អំពាវនាវឲ្យពលរដ្ឋខ្មែរ កុំព្រោះតែការភ័យខ្លាចនិងជម្ងឺកូវីដ១៩ ក្លាយជាការរើសអើងគ្នា (ច័ន្ទ សំណាង)

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (សហការី)

វីដែអូ

ចំនួនអ្នកទស្សនា

ថ្ងៃនេះ :
38 នាក់
ម្សិលមិញ :
63 នាក់
សប្តាហ៍នេះ :
481 នាក់
ខែនេះ :
3025 នាក់
3 ខែនេះ :
8029 នាក់
សរុប :
149315 នាក់