ថ្ងៃអាទិត្យ ទី២២ ខែឧសភា ឆ្នាំ២០៥០
សូមស្វាគមន៌ប្រិយមិត្តទាំងអស់ ដែលនិយមគាំទ្រការផ្សាយរបស់ គេហទំព័ត៌សាត្រាឬទ្ធ សូមទំនាក់ទំនងការិយាល័យយើងខ្ញុំនៅរៀងរាល់ម៉ោងធ្វើការ ..តាមរយៈទូរស័ព្ទលេខៈ០១២ ៦៧១ ៣៧៣
អុញនោះ.. ចឹងបានតែចម្លែកបាត់ឈើអស់ពីព្រៃ តាមពិតឈើនាំគ្នាព្រៃ រត់ទៅចូលសង្ងំក្នុងឡានដឹកដំឡូង និង អង្កាមចឹងសោះ ចៃដន្យសមត្ថកិច្ចបង្ក្រាបបាន តែអត់ទាន់ឃើញមានការសហការពីជំនាញរដ្ឋបាលព្រៃឈើ
Wed,02 March 2022 (Time 03:36 PM)
ដោយ ៖ ច័ន្ទ សំណាង (ចំនួនអ្នកអាន: 72នាក់)

ចឹងបានប្រជាពលរដ្ឋនាំគ្នាចេះតែឆ្ងល់រឿងព្រៃឈើវាចេះតែបាត់ពីតំបន់ការពារសហគមន៌ ក៏ដូចជាទីតាំងអភិរក្ស
ដោយម្នាក់ៗតែងតែសញ្ជឹងគិតមិនអស់មិនហើយថា តើឈើទាំងអស់នោះពួកគេរត់ទៅណាអស់ បានឲ្យតែឃើញ ទីណាដែលមានព្រៃឈើធម្មជាតិច្រើន មិនយូរសោះនោះទេ ទីនោះគឺនឹងត្រូវបានបាត់ឈើ នៅសល់តែដីទទេ ដូច វាលរហោស្ថាន ហើយជាក់ស្តែងទាំងអស់លោកជំនាញរដ្ឋបានលព្រៃឈើ ក៏ដូចជាមន្ត្រីជំនាញបរិស្ថាន គេឃើញ ចុះធ្វើសកម្មភាពដើរល្បាតពិនិត្យឲ្យជាប្រចាំ ក៏នៅចម្លែកបាត់ឈើរត់ចេញពីព្រៃអស់ដដែល ។ ដោយឡែកចម្លង់ របស់បងប្អូនប្រជាពលរដ្ឋកន្លងមកនោះ ជាក់ស្តែងនៅទីបំផុតនៅក្នុងថ្ងៃទី០២ ខែកុម្ភៈ ឆ្នាំ២០២២នេះ ត្រូវបាន ស្រាយឲ្យបងប្អូនបានឃើញហើយ ព្រោះជាការពិតឈើទាំងអស់នោះ នាំគ្នាភ័យខ្លាចរត់ទៅសង្ងំក្នុងឡានខ្នាតយក្ស របស់ក្រុមឈ្មួញ ដែលគ្របទៅដោយដំឡូងមី និងបាវអង្កាម ដើម្បីចល័តដឹកចេញទៅបណ្តាខេត្តដ៏ទៃសោះ ។

តាមព័ត៌មានដែលអអ្គភាពយើងទទួលបាន រថយន្តខ្នាតធំចង្កូតស្តាំមួយគ្រឿង ត្រូវបានកម្លាំងនគរបាលប្រឆាំងបទ ល្មើសសេដ្ឋកិច្ច ចុះពិនិត្យមើលកាលពីព្រឹកថ្ងៃទី២ ខែមីនា ឆ្នាំ២០២២នេះ ស្ថិតនៅចំណុចអូរច្រឡង់ ក្នុងភូមិអូរឬស្សីកណ្តាល ស្រុកសៀមបូក ក្រោយពីមានការសង្ស័យថាពាក់ព័ន្ធ នឹងបទល្មើស។

ប្រភពបន្តថា រថយន្តខាងលើនេះ គឺជាប្រភេទរថយន្ត FUSO សណ្តោងរ៉ឺម៉ក់ ពាក់ស្លាកលេខចង្កូតស្តាំ PP.០៨ ៣៥ គោលដៅមកពីភូមិសាស្ត្រខេត្តរតនគិរី ឆ្លងកាត់ខេត្តស្ទឹងត្រែង បន្តឆ្ពោះទៅខេត្តក្រចេះ ហើយត្រូវបានក្រុមកម្លាំងនគរបាលប្រឆាំងបទល្មើសសេដ្ឋកិច្ច ឃាត់ត្រួតពិនិត្យ ដោយសង្ស័យថា បង្កប់ឈើល្មើសច្បាប់ ក៏ស្រាប់តែឃើញ
ខាងលើដឹកដំឡូងមី និងបេច្រកអង្កាម ហើយចំណែកខាងក្រោមវិញ គឺសុទ្ធតែជាឈើ ដែលគោរពវិន័យរបស់ថៅកែ ឈ្មួញ នៅក្នុងរថយន្ត យ៉ាងមានក្តីសុខបំផុត ។

ដោយឡែកតែសមត្ថកិច្ចនគរបាលប្រឆាំងបទល្មើសសេដ្ឋកិច្ច នៅក្នុងសកម្មភាពឃាត់រថយន្តដឹកដំឡូង និងអង្កាមបង្កប់ឈើនោះ គេមិនបានឃើញជំនាញរដ្ឋបាលព្រៃឈើ ចុះត្រួតពិនិត្យ រួមគ្នាជាមួយនគរបាលប្រឆាំងបទល្មើសសេដ្ឋកិច្ចនោះទេ ហើយឈើដែលបង្កប់ក្រោមបាវដំឡូង និងអង្កាមនោះ ក៏មិនដឹងថា តើជាប្រភេទឈើអ្វី? និងប៉ុន្មានម៉ែត្រគូបនោះដែរ? ព្រោះគ្មានមន្ត្រីជំនាញចុះវាយតម្លៃ ។

បន្ទាប់ត្រួតពិនិត្យ និងឆែកឆេររកឯកសារនានា ស្តីពីការដឹកជញ្ជូនពុំគ្រប់គ្រាន់ហើយនោះ កម្លាំងនគរបាលខាង លើ ក៏បានគោរពអញ្ជើញអ្នកពាក់ព័ន្ធ ចូលទៅស្នងការដ្ឋានខេត្ត ដើម្បីបន្តនីតិវិធី យ៉ាងកាយវិការទន់ភ្លន់ ។

នេះគឺជារឿងរ៉ាវមួយនៅក្នុងសង្គម ដែលមហាជនចេះតែឆ្ងល់ឈើនៅក្នុងព្រៃ នាំគ្នាភ័យរត់ទៅពួននៅឯណា បាត់ អស់ពីព្រៃជាបន្តបន្ទាប់ ៕

ព័ត៌មានគួរចាប់អារម្មណ៍

មួយករណីថ្មីទៀតហើយ សមត្ថកិច្ចស្រុកបាកាន ខេត្តពោធិ៍សាត់ ដឹកនាំកម្លាំង ចុះបង្ក្រាប ដើមកញ្ឆាខុសច្បាប់ និង អាវុធកែឆ្នៃមួយដើម (ច័ន្ទ សំណាង)

ព័ត៌មានគួរចាប់អារម្មណ៍

ប្រាក់ក៏បង់ថង់ក៏ដាច់ ខ្ចីលុយធនគារធ្វើផ្ទះមិនទាន់បង់សងគ្រប់ផង ប្តីខឹងសុំលុយប្រពន្ធទៅស្រុកមិនបាន តូចចិត្ត យកសាំងដុតផ្ទះ ស្លាប់ទាំងខ្លួន យ៉ាងរន្ធុត (ជា វ៉ាន់ឃុន)

ព័ត៌មានគួរចាប់អារម្មណ៍

ជនជាតិភាគតិច ក្នុងស្រុកសេសាន ខេត្តស្ទឹងត្រែង សម្រេចបិទផ្លូវលែងឲ្យចេញចូល ក្នុងភូមិតាមប្រពៃណីរបស់ ខ្លួន ដើម្បីការពារទប់ស្កាត់ជំងឺ កូវីដ ១៩ (ច័ន្ទ សំណាង)

ព័ត៌មានគួរចាប់អារម្មណ៍

ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ អំពាវនាវឲ្យពលរដ្ឋខ្មែរ កុំព្រោះតែការភ័យខ្លាចនិងជម្ងឺកូវីដ១៩ ក្លាយជាការរើសអើងគ្នា (ច័ន្ទ សំណាង)

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (សហការី)

វីដែអូ

ចំនួនអ្នកទស្សនា

ថ្ងៃនេះ :
61 នាក់
ម្សិលមិញ :
138 នាក់
សប្តាហ៍នេះ :
1740 នាក់
ខែនេះ :
3937 នាក់
3 ខែនេះ :
9813 នាក់
សរុប :
177182 នាក់