បែកធ្លាយនូវរឿងដ៏ហួសចិត្តមួយ រវាងម្ចាស់ចំការ និងម្ចាស់ចំការ ដោយម្ចាស់ចំការមួយទៀតដំណាងឲ្យអ្នកបើក គោយន្តកាត់ចំការប្តឹងប៉ូលីស ផ្អើលអាចម៍មាន់ជាន់អាចម៍ទា ដោយគេដឹងថា ឈ្មោះ អុង ទ្រី ជាអ្នកមានមុខមាត់ មានឈ្មោះបោះសំលេងគ្រាន់បើ ប្តឹងប៉ូលីសប៉ុស្តិ៍ភ្លាមចុះអន្តរាគមន៍ភ្លេតដល់ចំការភ្លាមៗលឿនដូចព្យុះតែម្តង ដោយសំអាងឈ្មោះ អុង ទ្រី ប្តឹងទៅប៉ុស្តិ៍ថ្មអណ្តើក រឿងរារាំងមិនឲ្យគោយន្តបើកបរកាត់ ក្នុងនោះ វត្តមានដឹកនាំ ដោយលោក សុខ លីម យកកម្លាំងប៉ូលីសស្វ័យការពារចុះដល់ចំការភ្លាមៗ ឃុំអត់បានដឹងសោះ ដោយគេសង្ស័យ ថម្ចាស់ចំការឈ្មោះ ឆុម វណ្ណា ភរិយាឈ្មោះ មូង ណាន បិតផ្លូវសាធារណ: តាមអំពើចិត្ត ។

ប៉ុន្មានយ៉ាងណាថ្ងៃក្រោយមកគឺថ្ងៃទី២៦ ខែកក្កដា ឆ្នាំ២០២៥ មានកម្លាំងអាជ្ញាឃុំដឹកនាំ ដោយលោក សូ ផល្លា ចុះដល់ចំការពិនិត្យជាក់ស្តែងឃើញថា មិនមានបិតផ្លូវសាធារណ:ដូចអ្វីរាយការណ៍នោះទេ គឺជាដីចំការ កម្មសិទ្ធរបស់់ប្អូន ឆុម វណ្ណា ពិតប្រាកដដែលមានទីតាំចំនុចភ្នំតារៀម ភូមិល្អក់ ឃុំថ្មអណ្តើក ស្រុកចិត្របុរី ខេត្តក្រចេះ តែទោះយ៉ាងណាម្ចាស់ចំការ ឈ្មោះ ឆុម វណ្ណា ហៅ តឿ ក្តៅចិត្តខ្លួនរងអយុត្តិធម៌ ក៏ព្រោះតែប្អូនត្រូវ គេបើកបរកាត់ក្នុងដីដឹកដំឡូងបំពានខូចផ្លូវខូចផលដំណាំរបស់ខ្លួន ហើយត្រូវគេប្តឹងខ្លួនទៀតរួមទាំងការ ឌឺដងឡង សំដីអ្នកក្រមិនឈ្នះអ្នកមាន មានខ្សែបក្សពួក ឬពងមាន់កុំជល់ថ្មជាដើម ធ្វើឲ្យប្អូន ឆុម វណ្ណា បានសុំពឹងពាក់ អ្នកសារព័ត៌មានឲ្យជួយផ្សព្វផ្សាយដើម្បីឲ្យមហាជនបានដឹង ជាពិសេសក្រសួងមហាផ្ទៃ លោកបានជ្រាបពីការ អនុវត្តន៍ថ្នាក់ក្រោមៗ អនុវត្តន៍ត្រឹមត្រូវ ឬយ៉ាងណា ។

ដោយរងអយុត្តិធម៌ពេកប្អូនប្រុស ឆុម វណ្ណា បានដាក់ពាក្យប្តឹង ឈ្មោះ អុង ទ្រី ទៅប៉ុស្តិ៍នគបាលថ្មអណ្តើក ពីបទ បំផ្លាញទ្រព្យសម្បត្តិអ្នកដ៏ទៃ ។ យ៉ាងណាជុំវិញរឿងនេះលោក សុខ លីម អះអាងឲ្យដឹងថា លោកចុះទៅចំការ ភ្លាមៗនោះ ដើម្បីយកព័ត៌មានទេតើ ឯការដាក់ប្តឹងពីឈ្មោះ ឆុម វណ្ណា ប្តឹង អុង ទ្រី នោះលោកមិនទាន់ហៅមក ដោះស្រាយដោយជាប់រវល់តែហៅលោក អុង ទ្រី សាកសួរ ។ ហើយដោយលោកឆ្លើយថា គាត់មិនបានបញ្ជាឲ្យ បើកបរកាត់ចំការគេនោះទេ គាត់មានចំការដំឡូងឲ្យដឹកលក់ចែកគ្នាទេ ស្មើទេអ្នកប្រព្រិត្ត គឺប្អូនថ្លៃ ឆុម វណ្ណា នោះតើ ជាអ្នកបរកាត់ យ៉ាងណាក៏ដោយរឿងនេះ កំពុងបញ្ជូនទៅដោះស្រាយនៅអធិការស្រុកចិត្របុរីហើយ មហាជនកំពុងតាមដានរង់ចាំមើល ការវិវាទរឿងមួយនេះ និងបញ្ចប់នៅកំរិតណា ឬអាចបន្តរដល់តុលាការ ៕