នោះដូចសមដូចសេចក្តីសង្ឃឹមជឿជាក់ របស់ប្រជាពលរដ្ឋយ៉ាងច្រើនដែលតែងសង្ឃឹមលើការទទួលខុសត្រូវ របស់ សម្ព័ន្ធភាពបណ្តុំសមាគមអង្គការសង្គមស៊ីវិលពិតមែន ជាក់ស្តែងសម្ព័ន្ធភាពនៅក្រោមការដឹកនាំ របស់លោក បណ្ឌិត ហែម ប្រសើរ អ្វីក៏ដោយដែលជាការលើកឡើងរបស់លោកបណ្ឌិត មិនថានៅលើទិសដៅការងារអ្វីនោះ ទេ ពោលគឺការងារនោះលោកបណ្ឌិតអនុវត្តន៍បានយ៉ាងឆាប់រហ័ស និងប្រសិទ្ធិភាពបំផុត ។

ជាក់ស្តែងដូចជានៅថ្ងៃទី០២ ខែសីហា ឆ្នាំ២០២៥ ថ្មីៗនេះ សម្ព័ន្ធភាពបណ្តុំសមាគមអង្គការសង្គមស៊ីវិល ស្ថិត នៅក្រោមការដឹកនាំរបស់លោកបណ្ឌិត ហែម ប្រសើរ ជាប្រធាននោះ បានដឹកនាំអង្គការ សមាគម និងអ្នក សារព័ត៌មានជាច្រើនចុះសួរសុខទុក្ខក្រុមគ្រួសារបងប្អូនកងទព័និងប្រជាពលរដ្ឋភៀសសឹក ព្រមទាំងបានពាំនាំ នូវអំណោយជាច្រើន ដែលជាទឹកចិត្តនិងក្តីស្រឡាញ់របស់ខ្លួន មានដូចជាគ្រឿងឧបភោគបរិភោគជូនដល់ពួកគាត់ នៅវត្តត្បែង និង វត្តរុន ស្ថិតក្នុងក្រុងរុនតាឯក និងស្រុកបន្ទាយស្រី ខេត្តសៀមរាប ។

លោកបណ្ឌិត បានបន្តថា អំណោយទាំងអស់នេះ ទោះបីមានសភាពតិចតួចស្តួចស្តើងមិនបានច្រើនសន្ធឹកសន្ធាប់ ដូចអំណោយសប្បុរសជនធំៗមួយចំនួនក្តី ប៉ុន្តែអំណោយទាំងអស់នេះ ក៏ជាទឹកចិត្ត មួយរបស់សមាជិកសមាជិការ សម្ព័ន្ធភាពគ្រប់ៗរូប ដែលមានឆន្ទៈចូលរួមចំណែកនៅក្នុងការជួយចែករំលែកទុក្ខលំបាកគ្នា ក្នុងគ្រាដែលកើតមាន កល់យុទ្ធដោយក្រុមចោសៀមឈ្លានពាន ហើយក៏សូមជូនពរដល់បងប្អូនក្រុមគ្រួសារវិរៈកងទ័ព និងបងប្អូនជន ភៀសសឹកទាំងអស់ សូមទទួលបាននូវសេចក្តីសុខ ជៀសវាងឆ្ងាយពីជម្ងឺដង្កាត់ទាំងឡាយ ដែលអាចកើតមានក្នុង គ្រាដែលពុកម៉ែបងប្អូនកំពុងស្នាក់នៅជាបណ្តោះនេះ ផងដែរ ៕